Sport24.az
"Atletiko" hücumçusu Aleksandr Sörlotla bağlı qərar verib. Sport24.az xəbər verir ki, La LLiqa nəhəngi norveçli forvardı satmağı planlaşdırır.
Bu barədə "Fichajes" nəşri məlumat yayıb.
Klub Sörlota 25 milyon avro qiymət qoyub. 29 yaşlı futbolçu bu məbləğdən aşağı qiymətə satılmayacaq.
Qeyd edək ki, "Atletiko" Aleksandr Sörlotu ötən ilin yayında "Vilyerreal"dan transfer edib. Norveç millisinin üzvü Madrid təmsilçisinin heyətində meydana çıxdığı 53 rəsmi matçda 24 qol və 2 məhsuldar ötürmə ilə yadda qalıb.
