Sport24.az
Madrid "Atletiko"su "Tottenhem"in müdafiəçisi Kristian Romeronun transferində maraqlıdır. Sport24.az xəbər verir ki, bu barədə "AS" nəşri məlumat yayıb.
Mənbənin sözlərinə görə, ispanlar rəsmi təkliflə çıxış etməyi planlaşdırır və 27 yaşlı futbolçu üçün 55 milyon avro ödəməyə hazırdırlar. Bundan başqa mövsümün yekunlarına uyğun əlavə 15 milyon avro ödənilməsi də nəzərdə tutulub.
Madrid klubunun baş məşqçisi Dieqo Simeonen argentinalını müdafiənin əsas siması kimi görür. Romero isə hələ mayda məmnuniyyətlə La Liqada oynaya biləcəyini açıqlamışdı.
Qeyd edək ki, müdafiəçi 2024/25 mövsümündə bütün turnirlərdə 26 matçda meydana çıxıb, 1 qol vurub və 2 məhsuldar ötürmə edib.
