Idman.biz
"Atalanta" klubunun mətbuat xidməti Raffaele Palladinonun əsas komandanın baş məşqçisi təyin olunduğunu açıqlayıb.
İdman.Biz xəbər verir ki, Palladinonun müqaviləsi 2027-ci ilin iyun ayının sonuna qədərdir.
Palladino ötən mövsüm "Fiorentina"nı çalışdırıb, lakin yayda klub rəhbərliyi ilə fikir ayrılıqlarından sonra komandadan ayrılıb. Berqamo komandası İtaliya yüksək divizionunda son səkkiz oyunda cəmi altı xal qazanıb, "Udineze" (0:1) və "Sassuolo"ya (0:3) uduzub, altı dəfə heç-heçə edib.
A Seriyasında 11 oyundan sonra "Atalanta" 13 xalla turnir cədvəlində 13-cü yerdədir. Növbəti oyununda Berqamo komandası səfərdə "Napoli" ilə oynayacaq.
