Sport24.az
"Aston Villa" və "Qalatasaray" "Real"ın ukraynalı qapıçısı Andriy Luninə "elçi" düşüb. Sport24.az xəbər verir ki, bu barədə "Defensa Central" məlumat yayıb.
Mənbənin sözlərinə görə, 26 yaşlı ukraynalının agenti Xorxe Mendeş qapıçının ik klubdan təklif aldığını Madrid klubunun rəhbərliyinə çatdırıb. İngiltərə və Türkiyə təmsilçiləri qolkiperə madridlillərdən daha yaxşı şərtlər irəli sürüb.
Yaxın günlərdə "Real"ın "sükanı arxasına" keçəcəyi gözlənilən Xabi Alonsoya artıq vəziyyətlə bağlı məlumat verilib. İspan çalışdırıcı ukraynalının klubda qalmasının tərəfdarıdır. Rəhbərlik isə bildirib ki, Lunin getmək istəsə, onun qarşısını kəsməyəcəklər.
Qeyd edək ki, "çərçivə qoruyucusu"nun "Kral klubu" ilə hazırkı müqaviləsi 2030-cu ilin yayına kimi nəzərdə tutulub.
