Idman.biz
İngiltərənin "Aston Villa" klubu "Mets"in hücumçusu Brayan Maccionu transfer etdiyini rəsmi olaraq təsdiqləyib.
İdman.Biz bildirir ki, bu barədə klubun saytında məlumat verilib.
17 yaşlı futbolçu Birminhem klubuna daimi transferlə qoşulub. Məlumata görə, transfer haqqı 12 milyon avro olub. Tərəflər uzunmüddətli müqavilə imzalayıblar.
Bu transfer Fransa klubunun akademiyasının yetirməsi olan hücumçunun peşəkar karyerasında ilk əhəmiyyətli mərhələdir. Maccio bu mövsüm "Mets"in əsas heyətində beş oyuna çıxıb, qol vurmayıb və ya məhsuldar ötürmə etməyib. Onun keçmiş klubu ilə əvvəlki müqaviləsi 2028-ci ilə qədər qüvvədə olub. Transfermarkt-ın məlumatına görə, onun bazar dəyəri 4 milyon avro olaraq qiymətləndirilir.
