Sport24.az
Ötən il olduğu kimi bu il də Qətərin "Aspire" İdman Akademiyasının müxtəlif yaş qrupu üzrə komandaları Qəbələyə səfər edəcək. Sport24.az xəbər verir ki, qətərli qonaqların bölgəyə gəlişi avqustun 18-nə planlaşdırılıb.
200 yaxın gənc futbolçu ilə gələcək qonaqlar avqustun sonunadək Qəbələdə təlim-məşq toplanışında olacaqlar. "Aspire"nin müxtəlif yaş qrupu üzrə komandaları hazırlıq prosesi zamanı tək "Qəbələ"nin deyil, ölkənin digər klublarının aşağı yaş qrupları üzrə komandaları ilə yoxlama görüşləri keçirməyi planlaşdırırlar.
Qeyd edək ki, əsası 2004-cü ildə qoyulan "Aspire" İdman Akademiyasında müxtəlif növlər üzrə bölmələr fəaliyyət göstərir. Burada əsas üstünlük futbol və atletikaya verilib.
