Sport24.az
"Turan Tovuz" rəhbərliyi ehtiyatlı davranmalı idi. Verdikləri bəyanat qanunvericiyə uyğun deyildi". Bu sözləri Sport24.az-a açıqlamasında Aslan Kərimov deyib.
Təcrübəli mütəxəssis həftəsonu "Şamaxı" - "Turan Tovuz" oyunundan öncə qərb təmsilçisinin yayımın və VAR-ın olmaması ilə bağlı narazılığına münasibət bildirib:
"Onların "oyunun şəffaf keçəcəyinə şübhələnirik" ifadəsi təhdid mesajına oxşayır. İki il əvvəl VAR sistemi tətbiq olunan zaman bildirildi ki, VAR olmasa, oyun təxirə düşmür, keçirilə bilər. Belə olduğu halda məsuliyyət baş hakimə verilir. Oyun saatında meydançaya baxanda tamamilə yararlı idi. Ən azı Zirədəki arenadan daha yaxşı səviyyədə idi. "Turan Tovuz" bu bəyanatı əsassız yaydı. Amma bu cür gedişatları normal hesab edirəm. Bütün çempionatlarda belə olaylar olur. İndiki vəziyyətdə PFL və AFFA haqlı idi. "Turan Tovuz" sponsoru olan klubdu. Onlar üçün 20000 böyük məğləb deyil".
Qeyd edək ki, AFFA və PFL-in işgüzar nüfuzuna xələl gəlməsinə gətirib çıxardan hərəkətlərə yol verdiyinə görə "Turan Tovuz" 20000 manat məbləğində cərimə edilib.
