Sport24.az
"Maraqlı oyun alındı. İlk hissədə "Neftçi"nin yüksək pressinqi üst səviyyədə idi. Bunun sayəsində "Qarabağ"ın topa sahib olması mümkün olmadı".
Bunu Sport24.az-a açıqlamasında Aslan Kərimov deyib.
Təcrübəli mütəxəssis Misli Premyer Liqasının XXIII turunuda keçirilən "Neftçi" - "Qarabağ" matçı ilə bağlı fikirlərini bölüşüb:
"Ağdamlılar birinci hissədə təhlükə yarada bilmədi. Kevin Medinanın qırmızı vərəqə alması "Qarabağ"ın arxadan çıxa bilməməsi və bir az da əsəbləşməsinin nəticəsində oldu. İlk hissəni "Neftçi" öz adına yaza bilərdi. Sadəcə, bir nəfər azlıqda olan "Qarabağ"a qol vurmaq lazım idi. Buna meydan sahiblərinin oyunçu keyfiyyəti kifayət eləmədi. "Qarabağ"ın adının qorxusundan önə atılmadılar. İkinci hissədə Samir Abbasovun həmləsi oyunu gücləndirmək idi. Oyuna daxil etdiyi Ramil və Rəhmanın performansı meydanda olan futbolçulardan qat-qat aşağı idi. "Neftçi"də soyuqqanlı futbolçu yoxdur. Durduq yerdə qolu "Qarabağ"a hədiyyə etdilər".
Qeyd edək ki, "Qarabağ" Misli Premyer Liqasının XXIII turunda "Neftçi"ni məğlub edib – 1:0.
