Sport24.az
"Milli komandanın heyətində yeni futbolçular görmək təəccüblü deyil. Azərbaycan çempionatının son oyunlarına baxası olsaq, bəzi oyunçulara göz gəzdirmək lazımdır".
Bu sözləri Sport24.az-a açıqlamasında Aslan Kərimov millimizin Estoniya və İsveçrəyə qarşı oyunlarda Fernandu Santuşun yığmanın heyətinə dəvət etdiyi futbolçuları dəyərləndirərkən deyib.
Onun sözlərinə görə, heyətdə yeni futbolçuların olması sürpriz deyil:
"Ötən gün "Neftçi" "Şamaxı" oyununda "ağ-qaralar"ın futbolçusu 18 yaşlı Murad Məmmədovu qeyd etmək olar. O, "Neftçi"nin əsas komandasında rahat oynaya bilirsə, niyə də ölkənin əsas komandasına dəvət almasın? Onu yaxın vaxtda millinin düşərgəsində görsək, heç də təəccüblənmək lazım deyil. Fernando Santuş milliyə ilk dəfə dəvət alan futbolçuları yığmanın düşərgəsində özlərini necə hiss edəcəklərini görmək istəyir. Hansısa futbolçu baş məşqçiyə döyüşkənliyinə görə xoş gəlir, bəziləri isə texniki bacarıqlarına görə. Önəmlisi futbolçuların effektiv olmasıdır. Ümumilikdə bu gün üçün heyətdə olmağı haqq edənlər yığmaya dəvət olunub.
Qeyd edək ki, poruqaliyalı mütəxəssus qarşıdakı 2 oyun üçün milliyə 24 futbolçu dəvət edib.
