Sport24.az
"Qarabağ" ilk dəfə "Lion"a qarşı oynayacaq. Oyunun keyfiyyətinin yüksək olacağı ehtimalı çoxdur. Rəqibin heyətində Lacazet və Matiç kimi ulduz oyunçular çıxış edirlər". Bu sözləri Sport24.az-a açıqlamasında Aslan Kərimov deyib.
Təcrübəli mütəxəssis Ağdam təmsilçisinin qələbə qazanmaq şansının olduğunu da vurğulayıb: "Qarabağ"ın qələbə üçün şansı var. "Lion" topa sahib olmağı sevən, oyunu hücumda keçirən komandadı. Belə klublar üçün də əks hücumlar hər zaman təhlükəli olur. Necə ki, "Malmö" və Zaqreb "Dinamo"su ilə görüşdə topa nəzarət "Qarabağ" üçün vacib idi, amma rəqibin əks hücumları çox kəskin olurdu. "Lion"nun müdafiədən oynayacağını inanmıram. Bakıda dominant futbol oynamağa çalışacaqlar. Belə olacağı təqdirdə bizim əks həmlələrimiz təhlükəli ola bilər. Müdafiə baxımından kompakt oynaya bilsək, bəxtimiz də gətirsə, qələbə qazana bilərik. Son oyunlarda "Lion"nun təhlükəli hücumlar yaradıb bundan istifadə edə bilməməsi fakt olaraq qalır".
Qeyd edək ki, sabah "Tofiq Bəhramov"da keçiriləcək "Qarabağ" – "Lion" matçının start fiti saat 21:45-də səslənəcək.
