Idman.biz
Çempionlar Liqasının mayın 31-də keçiriləcək finalında PSJ ilə "İnter" qarşılaşacaq.
Bu iki klubun heyətində Azərbaycana qonşu olan 5 ölkənin hər birindən – Türkiyə, Rusiya, İran, Gürcüstan və Ermənistandan futbolçu var. Söhbət Hakan Çalxanoğlu, Matvey Safonov, Mehdi Taremi, Xviça Kvaratsxeliya və Henrix Mtixaryandan gedir.
Görəsən, kimdi günahkar? Biz niyə qonşulardan bu qədər geridəyik?
İdman.biz xəbər verir ki, Aslan Kərimov bununla bağlı Football-plus.az-ın sualını cavablandırıb.
Mütəxəssis bildirib ki, nədən geri qalmağımızın səbəbi görünür: "Bu ölkələrin milliləri aşağı-yuxarı normal səviyyədə turnirlərdə iştirak edirlər. İran, Gürcüstan, Türkiyə və Rusiya dünya çempionatının final mərhələsinə vəsiqə qazana bilir. Ermənistan millisinin nəticələri bizdən daha yaxşıdı. Niyə bizimkilər ÇL-in finalında oynaya bilmirlər? Bu artıq futbolun inkşafı ilə bağlı çoxlu müzakirələrdən keçən bir şeydi. Əminəm ki, bunda hamımızın günahı var. Jurnalistikamızdan, rəhbərlərdən, futbolçulardan məşqçilərə qədər - bu uğursuzluğun içində hamının payı var. Kimin daha çox, kimin daha məsələsi müzakirəyə açıqdı".
İdman.biz
