Idman.biz
"Avqustun 5 də 38 yaşım tamam oldu. Hazırda elə yaşındayam ki, zədə almaq ehtimalın çoxdur. Ona görə də yeni mövsümdən oynayan-məsqci kimi davam edəcəm. Təbii ki, meydana çıxaraq oynamaq da istəyirəm. Amma reallıqları nəzərə almaq lazımdır. Artıq gənclərə maksimum şərait yaratmağın vaxtıdır".
İdman.biz xəbər verir ki, bunu "Qəbələ"nin yarımmüdafiəçi Asif Məmmədov Sport1.az-a açıqlamasında deyib.
"Qırmızı-qaralar"in təcrübəli üzvü Qəbələ Akademiyasının fəaliyyətinin məhdudlaşdırılması və vəsaitin azaldılmasıyla bağlı da fikir bildirib: "Akademiyamızın fəaliyyəti ilə bağlı heç bir problem yoxdur. Hər şey öz axarında gedir. Lakin seleksionerlərimiz artıq kənardan istedadlı uşaqları yox, ancaq Qəbələ və onun kəndlərində futbola marağı olanları üzə çıxarmağa çalışacaq. Gəlin, səmimi etiraf edək ki, 15 ildən çoxdur fəaliyyət göstərən akademiyamızdan nə qədər istedadlı futbolçular çıxsa da, qəbələli demək olar ki, yoxdur. Məsələn, gedib Bərdədən 5-10 istedadlı uşağı seçib, akademiyamıza gətirmək, onların təhsili, qidalanması, yaşayış yeri ilə təmin edilməsi və s. yetəri qədər xərclər tələb edir. Klub rəhbərliyi də bu cür məsrəfdən qaçaraq daha çox Qəbələnin özündə olan uşaqları axtarıb tapmaqda maraqlıdır".
İdman.biz
