Idman.biz
"Həbib Nurməhəmmədovla tanışlığımız var idi. Onu komanda ilə görüşə dəvət etdik. Sağ olsun, bizi qırmadı, dəvətimizi qırmayaraq, klubumuzu ziyarət etdilər".
İdman.biz xəbər verir ki, bunu Teleqraf-a açıqlamasında "Qarabağ"ın İdarə Heyətinin sədri Asif Əsgərov deyib.
44 yaşlı funksioner görüşdə yüngül çəki dərəcəsinin sabiq çempionu İslam Mahaçevin də iştirak etdiyini xatırladıb: "Bu bir idman tədbiri idi. Bizim qarşılıqlı hörmətimiz var. "Qarabağ"ın oyunlarına da baxırlarmış. Hətta azarkeşimiz olduğunu da deyilər. Yəni, komandamız oynayanda üstündən keçmirlər, hesabı və oyunlarımızın xülasəsini izləyirlər".
Qeyd edək ki, Həbib Nurməhəmmədov yüngül çəkidə UFC-nin sabiq kəmər sahibidir. 2021-ci ildə karyerasını bitirən dağıstanlı döyüşçü keçirdiyi 29 görüşün hamısında qalib gəlib.
İdman.biz
