Sport24.az
"Səbail" maliyyə prblemi ilə üzləşib. Sport24.az-ın əldə etdiyi məlumata görə, "dənizçilər"in əsas sponsoru ASCO çətirini klubun üzərindən çəkdiyindən Cavid Hüseynovun çalışdırdığı komanda maaş və mükafatlar gecikir.
Məhz bu səbəbdən son oyunlarda "Səbail"in futbolçuları meydana həvəssiz çıxır. Klub rəhbərliyi, məşqçilər korpusu çox çalışsa da, pulsuz qalan futbolçuları motivasiya etməkdə çətinlik çəkir.
Mənbəmizin sözlərinə əsasən, Hüseynov "Şamaxı"ya 0:2 hesabı ilə məğlub olduqları son oyundan sonratəşkil olunan mətbuat konfransında bu barədə danışmaq istəyib. Hətta "müəyyən problemlər var" deyərkən, söhbəti açmaq istəyib. Ancaq son anda "7 futbolçumuz oruc idi" deməklə, məsələni başqa istiqamətə yönəldib.
Qeyd edək ki, 25 turdan sonra "Səbail" turnir cədvəlində sonuncu, daha dəqiq desək, 10-cu pillədə qərarlaşıb.
