Idman.biz
"Qarabağ"ın və "Şkendiya"nın sabiq futbolçusu Artim Şakiri bu komandaların UEFA Çempionlar Liqasının III təsnifat mərhələsi çərçivəsində keçirəcəkləri cavab oyununu dəyərləndirib.
İdman.biz xəbər verir ki, 51 yaşlı mütəxəssis Futbolinfo.az-a açıqlamasında şansların bərabər olduğunu bildirib.
Onun fikrincə, "Qarabağ"ın səfərdəki 1:0 hesablı qələbəsi hər şeyin bitməsi demək deyil: "Qarabağ" Şimali Makedoniyadakı ilk oyunda qələbə qazanaraq müəyyən üstünlük əldə etdi. Ancaq bunun böyük üstünlük olduğunu düşünmürəm. Çünki "Şkendiya" Skopyedəki görüşdə heç də zəif çıxış etmədi. Sadəcə, həmin gün hər iki komandanın qapıçısı əla performans göstərdi. Məncə, yenə şanslar yarı-yarıyadır. Futbolda bir qol ciddi üstünlük deyil və "Şkendiya" bu fərqi qapadacaq gücdədir".
Qeyd edək ki, bu gün Tofiq Bəhramov adına Respublika Stadionunda keçiriləcək oyun saat 20:00-da başlayacaq.
İdman.biz
