Idman.biz
"Bornmut" "Arsenal"ın 18 yaşlı oyunçusu İtan Nvaneri ilə müqavilə imzalamaqda maraqlıdır.
İdman.Biz "The Independent"ə istinadən bildirir ki, "albalılar" onun üçün cari mövsümün sonuna qədər icarə müqaviləsi bağlamağı düşünür və inanırlar ki, o, "Mançester Siti"yə keçməyə yaxın olan cinah oyunçusu Antuan Semenyonun yerini tuta bilər.
Mənbənin məlumatına görə, "topçular" Nvanerini böyük istedad hesab etdikləri üçün onu satmaq istəmirlər. Bu arada, ingilis oyunçu müntəzəm oyun təcrübəsinin olmamasına baxmayaraq komandadan ayrılmağa tələsmir və çox güman ki, yayda gələcəyi ilə bağlı qərar verəcək.
Nvaneri bu mövsüm bütün yarışlarda 11 oyunda meydana çıxıb və bir qol vurub. Onun klubla hazırkı müqaviləsi 2030-cu ilin yayına qədərdir. Transfermarkt-dakı məlumata görə, onun bazar dəyəri 40 milyon avrodur.
