Sport24.az
"Arsenal"ın keçmiş futbolçusu Cey Emmanuel-Tomas narkotik qaçaqmalçılığına görə 4 il müddətinə həbs edilib. Sport24.az xəbər verir ki, bu barədə BBC məlumat yayıb.
34 yaşlı hücumçu 2024-cü ildə həbs edildikdən sonra Şotlandiyanın "Grenock Morton" klubundan da qovulub. Böyük Britaniyanın sərhəd xidməti onun Banqkokdan özü ilə gətirdiyi iki çamadanda 60 kiloqrama yaxın narkotik tapıblar. Emmanuel-Tomas günahını etiraf etdi.
Müsadirə edilən malların dəyərinin 600 min funt sterlinq olduğu bildirilir.
Qeyd edək ki, Emmanuel-Tomas karyerası ərzində "İpsviç Taun", "Bristol Siti", "Kuinz Park Reyncers" və Taylandın "PTT Rayong" kimi klubların formasını geyinib.
