Sport24.az
"Arsenal" "Çelsi"nin yarımmüdafiəçisi Noni Maduekenin transferində maraqlıdır. Sport24.az xəbər verir ki, bu barədə insayder Florian Plettenberq sosial şəbəkə hesabında paylaşım edib.
Mənbənin sözlərinə görə, artıq 23 yaşlı ingilisin transferi ilə iki klub arasında danışıqlar başlayıb.
Bir müddət əvvəl mətbuatda "Çelsi"nin baş məşqçisi Enzo Mareskanın Madueke ilə görüşdüyü və ortaq məxrəcə gəldiyi ilə bağlı xəbərlər yayılmışdı.
Qeyd edək ki, Madueke 2024/25 mövsümündə bütün turnirlərdə 42 matçda 11 qol vurub və 5 məhsuldar ötürmə edib. "Transfermarkt" portalı futbolçunun transfer dəyərini 40 milyon avro qiymətləndirir.
