Sport24.az
London "Arsenal"ı klubun hücumameyilli yarımmüdafiəçi Maks Domanla 16 yaşı tamam olan kimi ilk peşəkar müqaviləsini imzalayacaq. Sport24.az xəbər verir ki, bu barədə insayder Nikolo Şkira sosial şəbəkə hesabında paylaşım edib.
Mənbənin sözlərinə görə, klub futbolçu ilə 2028-ci ilə qədər müqavilə imzalamağa hazırdır. O, dünyanın gələcək ulduz oyunçusu hesab olunur.
Qeyd edək ki, 15 yaşlı Doman "Arsenal"ın heyətində avqustun 23-də Premyer Liqanın 2-ci turunda "Lids"lə oyunda (5:0) debüt edib. O, 64-cü dəqiqədə meydana çıxıb və ikinci hissəyə əlavə olunmuş dəqiqədə komandasına penalti qazandırıb.
