Yarımmüdafiəçi Kristian Nerqor "Brentford"dan "Arsenal"a transfer olunub. Sport24.az xəbər verir ki, bu barədə London təmsilçisinin rəsmi saytı məlumat yayıb.
31 yaşlı danimarkalı "topçular"da 16 nömrəli formanı geyinəcək.
Qeyd edək ki, Nerqor 2019-cu ildən "Brentford"da çıxış edir. O, 196 oyunda 13 qol vurub və 18 məhsuldar ötürmə edib. "Transfermarkt" portalı yarımmüdafiəçinin bazar dəyərini 11 milyon avro qiymətləndirir.