Sport24.az
"Real Sosyedad"ın futbolçusu Martin Subimendi karyerasını İngiltərə Premyer Liqasında davam etdirməyə yaxındır. Sport24.az xəbər verir ki, "Arsenal" ispaniyalı yarımmüdafiəçinin keçidini həll edib.
Bu barədə insayder Fabritsio Romano məlumat yayıb.
London klubu Subimendi üçün 60 milyon avroluq sərbəstqalma məbləğini ödəyəcək.
Qeyd edək ki, Martin Subimendi "Real Sosyedad"ın yetirməsidir. İspaniya millisinin üzvü olan 26 yaşlı futbolçu bu mövsüm La Liqa təmsilçisinin heyətində meydana çıxdığı 44 rəsmi matçda 2 qol və 2 məhsuldar ötürmə ilə yadda qalıb.
