Report.az
"Arsenal" İngiltərə Premyer Liqasında qələbə sayına görə ikinci klub olub.
"Report" xarici KİV-ə istinadən xəbər verir ki, London təmsilçisi bunu çempionatın IX turunda "Kristal Pelas"la görüşdə reallaşdırıb.
Qarşılaşma "Arsenal"ın 1:0 hesablı qələbəsi ilə başa çatıb. Bu, komandanın 700-cü qələbəsi olub. "Arsenal" bu göstəricidə yalnız "Mançester Yunayted"dən (760 qələbə) geri qalır.
Qeyd edək ki, "Arsenal" hazırda 22 xalla turnir cədvəlinə başçılıq edir.
