Sport24.az
"Ötən tur məğlub olduğumuz "Sabah"ın gücü hamıya bəllidir. Onlar Avropa Liqası və Konfrans Liqasında çıxış edən komandadır". Bu sözləri Sport24.az-a açıqlamasında "Şamaxı"nın futbolçusu Arsen Ağcabəyov deyib.
Müdafiəçi cari mövsüm bölgə təmsilçisinin hədəflərindən də söz açıb:
"Sabah"la matçda qol epizodlarından tam olaraq istifadə edə bilmədik. Hesab bərabərləşəndən sonra rəqib ani diqqətsizlikdən istifadə edib, hesabda yenidən önə keçdi. Hədəfimiz maksimum xal toplamaqdır. Premyer Liqada qalmaq istəyirik. Sözsüz ki, yuxarı pillələrə yüksəlmək imkanımız olsa, onu da istəyərik. Bu gün "Sumqayıt"la oyunumuz var. Mövsümə uğurlu başlayıblar və iki turdan sonra liderdirlər. İstənilən rəqibə qarşı yaxşı mübarizə aparmaq niyyətindəyik. Bütün matçlarda əlimizdən gələnin ən yaxşısını edəcəyik".
Qeyd edək ki, "Sumqayıt" - "Şamaxı" matçı bu gün saat 18:30-da start götürəcək.
