Sport24.az
"Liverpul"un baş məşqçisi Arne Slot Çempionlar Liqasının 1/8 final mərhələsinin Fransa PSJ-si ilə cavab oyunu öncəsi danışıb. Sport24.az xəbər verir ki, o, Fransa təmsilçisini dünyanın ən zəngin klubu adlandırıb:
"Gəlin düzünü deyək. Biz dünyanın ən zəngin klubu olan PSJ barədə danışırıq. Daha zəngin klublar ola bilər, amma Luis Enrike orada əla iş görür.
Ona görə də biz bütün gücümüzü ortaya qoymalıyıq. PSJ-dən sonra dünyanın digər ən zəngin klubu olan "Mançester Siti" ilə matçda heç topa sahib deyildik. Onlarla evdə səfərdə oynadığımızdan çox fərqli çıxış oynadıq".
Qeyd edək ki, PSJ Çempionlar Liqasının ümumi mərhələsini 15-ci pillədə başa vurub və pley-offda iştirak hüququ qazanıb. "Liverpul" isə ümumi mərhələdə birinci yeri tutaraq 1/8 finala birbaşa vəsiqə əldə edib.
