Sport24.az
"Turan Tovuz" və "Qarabağ" liderlər qrupundadır. Tovuzluların evdə oynamasına baxmayaraq "Qarabağ" qalib gələ bilər. Ağdam təmsilçisinə avrokuboklardakı uğursuzluqdan sonra çempionat oyunlarında qələbələr lazımdır ki, komandada ruh yüksəkliyi qalxsın. Üstünlük "Qarabağ"dadır. Amma "Turan Tovuz" sürpriz edə bilən, əzmkar komandadır". Bu sözləri Sport24.az-a açıqlamasında futbol mütəxəssisi Arif Əsədov Azərbaycan Premyer Liqasında XII turundakı oyunlarından gözləntilərini açıqlayarkən deyib.
O, "Neftçi" - "Araz Naxçıvan" oyunu haqda fikirlərini bildirib:
"Neftçi" yeni baş məşqçinin gəlişindən sonra hər oyuna həlledici oyun kimi çıxır. Qazanılan xallar komandanı yuxarı pillələrə qalxması üçün təkandır. "Araz Naxçıvan"nın keyfiyyətli futbolçuları var, stabil oyun göstərirlər. Ən optimal variant görüşün heç-heçə bitməsidir".
Əsədov daha sonra "Sumqayıt" - "Sabah", "Şamaxı" - "Zirə" və "Kəpəz" - "Səbail" oyunları barəsində danışıb:
"Səbail" üzərində qələbədən sonra "Sumqayıt"da əhval-ruhiyə yüksəkdir. Doğma meydanda oynayırlar, çalışacaqlar ki, qələbənin davamını gətirsinlər. "Sabah" isə son turlarda xal itkisi ilə üzləşib. Bu baxımdan Masazır təmsilçisi bu görüşdə favorit görünür. "Şamaxı" - "Zirə" oyunu qəsəbəlilər üçün vacib sayılır. Xal itkilərindən sonra liderlər qrupundan geridə qalmamaq üçün qalib gəlməlidir. Maraqlı oyun olacaq. "Zirə"yə qələbə vacib olduğu üçün üstünlüyü onlara verirəm. "Kəpəz" - "Səbail" matçından böyük intiriqa gözlənilir. Hər iki komanda autsayderdir. "Kəpəz" getdikcə öz oyununu tapır. "Səbail" "Kəpəz"in yaxınlaşmamasında ötrü qələbə qazanmalıdır. İki komanda üçün 6 xallıq oyundur".
