Sport24.az
"Neftçi" - "Sabah" kubok matçında proqnoz vermək çox çətindir". Bu sözləri Sport24.az-a açıqlamasında Arif Əsədov deyib.
Təcrübəli mütəxəssis ölkə kubokunun yarımfinal mərhələsində keçiriləcək "Neftçi"-"Sabah" duelində şansları bərabər olduğunu bildirib:
"Hər iki komanda iddialı klublarımızdandır. Daim titul qazanmağa çalışan komandalardır. Çempionatda hər ikisinin avrokuboklara vəsiqə qazanmaq şansı minimum olduğu üçün ən real yol kubokdur. "Neftçi"də, "Sabah"da kuboku qazanmaq üçün maksimum mübarizə aparacaqlar. Yalnız ilk matçdan sonra hansı komandanın favorit olduğunu söyləmək mümkündür".
Qeyd edək ki, "Neftçi" – "Sabah" oyunu aprelin 2-də keçiriləcək. Qarşılaşma 19:30-da başlayacaq.
