Sport24.az
"Qarabağ" ilə Zaqreb "Dinamo"su arasında oxşarlıq çoxdu. Xorvatiya çempionu eynən ağdamlılar kimi ölkəsinin aparıcı komandasıdı. Onlar uzun illərdi avrokuboklarda sabit çıxış edərək qruplarda yer alırlar. Fikrimcə, ağdamlıları çətin, ağır oyun gözləyir". Bu sözləri Sport24.az-a açıqlamasında Arif Əsədov deyib.
Yığmanın sabiq məşqçisi ilk oyuna saatlar qalmış komandaların şanslarını da dəyərləndirib: "Qarabağ" ilə "Dinamo" demək olar eyni oyun üslubuna malikdilər. 90 dəqiqədə açıq futbolun və qarşılıqlı qolların olacağını düşünürəm. Məncə, Qurban Qurbanovun komandası ilk oyundan sonra Vətənə sərfəli nəticə ilə qayıdacaq. Zaqrebdəki 90 dəqiqənin qollu heç-heçəylə bitəcəyini ehtimal edirəm. İstənilən halda cütün taleyi Bakıda həll olunacaq və cavab oyunundakı şansları da bərabər qiymətləndirirəm".
Qeyd edək ki, "Dinamo" - "Qarabağ" matçı bu gün Bakı vaxtı ilə saat 23:00-da başlayacaq.
ABDULLA İSMAYILOĞLU
