Sport24.az
"İlk hissə "Turan Tovuz"un üstünlüyü ilə keçdi. Hər iki komandanın qol vurmaq üçün yetəri qədər imkanları var idi". Bu sözləri Sport24.az-a açıqlamasında Arif Əsədov deyib.
Təcrübəli mütəxəssis Misli Premyer Liqasının 32-ci turu çərçivəsində keçirilən "Turan Tovuz" "Şamaxı" matçı ilə bağlı fikirlərini bölüşüb:
"Məncə, görüşün ədalətli nəticəsi heç-heçə idi. Təbii ki, "Turan Tovuz" vacib xal itkisi ilə "Araz-Naxçıvan"a çatmaq baxımından şansını qaçırdı. "Şamaxı" isə rahatdır. Qazanılan hər xal onların psixoloji durumunu daha da yaxşılaşdırır. Ümumilikdə matç maraqlı keçdi. "Turan Tovuz" yenə də standart vəziyyətlərdə daha təhlükəli idi. "Şamaxı" da bir neçə əks hücumda qol vura bilərdi, sadəcə, meydan sahiblərinin bəxti gətirdi".
Qeyd edək ki, "Turan Tovuz" - "Şamaxı" matçı 1:1 hesabı ilə başa çatıb.
