İdman.biz
"Qrupun favoriti ilə görüşəcəklər".
Bunu İdman.bizə Azərbaycan millisinin sabiq məşqçisi Arif Əsədov deyib.
O, Millətlər Liqasının ll turunda Azərbaycan millisinin Slovakiya yığmasına qarşı keçirəcəyi matçı dəyərləndirib. Təcrübəli mütəxəssis bildirib ki, çətin oyun olacaq: "Burda təbii ki, tək taktiki və psixoloji baxımdan yox, həm də fiziki olaraq da çox güc sərf olunacaq. Ona görə də üç gündən bir oyunda komandamızın hansı durumda olmasından çox şey asılı olacaq. Burada İsveçlə oyundan fərqli olaraq, hansısa rotasiyalar olunacaq. Amma bu rəqibə bizimkilər daha öncə orada qalib gəliblər. Özlərini gücləndirməlidirlər. Daha sonra 90 dəqiqənin sonunadək əzmkar şəkildə mübarizə aparmalıdırlar".
Qeyd edək ki, Azərbaycan millisinin Slovakiya ilə sınağı sentyabrın 8-də Koşitsed şəhərində baş tutacaq.
Banuçiçək Hüseynli
İdman.biz
