Sport24.az
"İnter Mayami"nin və Argentina millisinin hücumçusu Lionel Messi karyerasını MLS-də başa vuracaq. Sport24.az xəbər verir ki, bu barədə ESPN-nin argentinalı jurnalisti və insayder Klaudio X sosial şəbəkəsində (keçmiş Twitter) məlumat verib.
Mənbənin sözlərinə görə, Messinin "Barselona"ya qayıtması ilə bağlı şayiələr yayılsa da, argentinalı "İnter Mayami"dən ayrılmaq fikrində deyil. Qeyd olunur ki, yaxın vaxtlarda bu iki komanda arasında yoldaşlıq görüşünün keçirilməsi planlaşdırlır.
Qeyd edək ki, Messi "İnter Mayami" ilə 2023-cü ilin yayında müqavilə imzalayıb. Onun klubla anlaşması 2025-ci ilin sonuna kimi nəzərdə tutulub.
