Idman.biz
Argentinada "Deportivo Madrin" və "Deportivo Moron" arasında Primeraya yüksəlmək üçün yarımfinal matçı qalmaqalla başa çatıb.
İdman.Biz xəbər verir ki, meydan sahibləri 1:0 hesabı ilə qalib gəlsələr də, əsas hadisələr final fitindən sonra cərəyan edib.
"Deportivo Moron" oyunçuları matçın yeganə qoluna səbəb olan cərimə zərbəsini təyin edən hakim Pablo Eçavarríadan narazı qalıblar. Oyundan sonra qəzəblənmiş oyunçular, məşqçilər və azarkeşlər aqressiv şəkildə etiraz etmək üçün meydana axışıblar.
Qalxanlarla və bibər qazı ilə silahlanmış polis meydana daxil olub. Bəzi oyunçular onlara qarşı çıxmağa çalışarkən, digərləri komanda yoldaşlarını saxlayıb. Oyunçular çox yaxınlaşdıqda, polis bibər qazı tətbiq edərək iğtişaşçıları geri çəkilməyə məcbur edib.
Münaqişə oyunçuların özləri arasında davam edib: "Deportivo Moron"un bir neçə oyunçusu "Deportivo Madrin"i təqib edib.
Finalda "Deportivo Madrin" "Estudiantes Rio Kuarto" ilə qarşılaşacaq.
