Idman.biz
Argentina millisinin məşqçilər korpusu Lionel Messidən sonra əfsanəvi 10 nömrəli formanı geyinəcək futbolçunu müəyyənləşdirir.
İdman.Biz ESPN-ə istinadən xəbər verir ki, bu nömrəyə əsas namizədlər 22 yaşlı yarımmüdafiəçi Niko Pas və 29 yaşlı hücumçu Lautaro Martinesdir.
Niko Pas oyun üslubuna görə bu rola namizədlərdən biri hesab olunur. O, yüksək texnikası, meydanı yaxşı görməsi və hücumdakı yaradıcılığı ilə seçilir.
"İnter"in hücumçusu Lautaro Martines isə Argentina millisinin əsas liderlərindən və vitse-kapitanlarından biridir. Onun namizədliyi komanda daxilindəki nüfuzu və statusu ilə əlaqələndirilir.
10 nömrəli formanın kimə veriləcəyi ilə bağlı qərarın Messinin milli komandadakı karyerasını başa vurmasından sonra qəbul ediləcəyi gözlənilir.
