Idman.biz
Hazırlığını gündə iki məşqlə davam etdirən "Araz-Naxçıvan"ın fasilədə keçirəcəyi ilk yoxlama oyununun tarixi dəyişdirilib.
İdman.Biz xəbər verir ki, bu barədə Araz-Naxçıvan Peşəkar Futbol Klubu məlumat yayıb.
Bildirilib ki, klubun əvəzedici komandası ilə qarşılaşma əvvəlcədən nəzərdə tutulduğu kimi yanvarın 9-da deyil, bir gün sonra – ayın 10-da baş tutacaq və saat 15:30-da başlayacaq.
Komanda növbəti görüşünü isə yanvarın 14-də, saat 15:00-da "Qəbələ"yə qarşı keçirəcək.
Hər iki matç Bakı Olimpiya Stadionunun ehtiyat meydanında baş tutacaq.
