Idman.biz
Misli Premyer Liqasının XXXV turunun ilk günündə üz-üzə gələcək "Şamaxı" və "Araz-Naxçıvan" çempionat çərçivəsində 8-ci dəfə qarşılaşacaq.
İdman.biz xəbər verir ki, əvvəlki 7 oyunda üstünlük Naxçıvan təmsilçisindədir.
Şamaxı klubu 2 qələbə və 1 heç-heçəyə nail olubsa, Muxtar Respublika təmsilçisi 4 dəfə üç xala sevinib. Top fərqi də qonaq komandanın xeyrinədir – 4-7.
"Şamaxı" son 6 matçda yalnız texniki qələbə ilə 3 xal qazanıb. Texniki nəticə nəzərə alınmasa, "Araz-Naxçıvan" bütün oyunlarda qol vurub.
| 04.11.2000 | Xəzər Universiteti - Araz | 3:1 |
| 28.04.2001 | Araz - Xəzər Universiteti | 2:0 |
| 27.10.2001 | Araz - Xəzər Universiteti | 1:0 |
| 03.03.2002 | Xəzər Universiteti – Araz | +:- |
| 10.08.2024 | Araz Naxçıvan – Şamaxı | 1:0 |
| 19.10.2024 | Şamaxı – Araz Naxçıvan | 0:1 |
| 14.03.2025 | Araz Naxçıvan – Şamaxı | 1:1 |
Qeyd edək ki, qarşılaşma saat 17:00-da başlayacaq.
İdman.biz
