Sport24.az
UEFA "Araz-Naxçıvan" klubuna xəbərdarlıq edib. Bu barədə Sport24.az-a kluba yaxın olan mənbədən məlumat verilib.
Buna komandanın UEFA Konfrans Liqasındakı oyunlar səbəb olub. Naxçıvan təmsilçisi Bakıda Yunanıstanın "Aris" kollektivinə qarşı keçirdiyi II təsnifat mərhələsinin matçlarına görə xəbərdarlıqla üzləşib.
Avropa futbol qurumu hər iki qarşılaşmada "komandanın düzgün olmayan davranışına görə" kluba xəbərdarlıq verməli olub.
Bunun səbəbi də maraqlıdır. Komandanın 8 futbolçusu ilk matçda kobud oyuna görə sarı vərəqə alıb. Cavab qarşılaşmasında isə İqor Ribeyro qırmızı, altı komanda yoldaşı isə sarı vərəqə görüb.
Qeyd edək ki, Bakıda "Aris"i 2:1 hesabı ilə üstələyən "Arax-Naxçıvan" səfərdə heç-heçə edərək (2:2) mərhələ adlamışdı.
