Sport24.az
Bu gün Misli Premyer Liqasında VII tura start veriləcək. Sport24.az xəbər verir ki, hesabat həftəsinin ilk oyun günündə azarkeşlər iki qarşılaşma izləyə biləcək.
Günün ilk matçı Mərdəkanda baş tutacaq. "Araz-Naxçıvan" "Liv Bona Dea Arena"da elitanın debütantı "İmişli"ni qonaq edəcək. Bu oyuna qədər aktivində 11 xal olan və liderdən 1 xal geri qalan Elmar Baxşıyevin komandası iddialılar arasında yer almaq üçün bu oyunu qələbə ilə başa vurmağı hədəfləyir. Ancaq əvvəlki turlar göstərdi ki, bölgə təmsilçisi heç də asan təslim olan komandalardan deyil.
Qeyd edək ki, oyunun start fiti saat 17:00-da səslənəcək.
Misli Premyer Liqası
I dövrə, VII tur
17:00. "Araz-Naxçıvan" - "İmişli"
Hakimlər: Cavid Cəlilov, Kamran Bayramov, Müslüm Əliyev, Emin Əliyev
VAR: Rauf Cabarov
AVAR: Cəmil Quliyev
Hakim-inspektor: Orxan Məmmədov
AFFA nümayəndəsi: Kifayət Mustafayeva
Mərdəkan. "Liv Bona Dea Arena".
