Report.az
"Araz-Naxçıvan" iki futzalçının transferini reallaşdırıb.
"Report"un əldə etdiyi məlumata görə, klub rusiyalı Roman Adamov və braziliyalı Mateus Lustosanı heyətinə qatıb.
Hər iki futzalçı ilə "5 ay+1 illik" müqavilə imzalanıb. R.Adamovun son klubu Rusiyada "Volqa" olub. Mateus Lustosa isə Braziliyanın "Marekko" klubundan transfer edilib.
Qeyd edək ki, "Araz-Naxçıvan" hazırda Yüksək Liqanın turnir cədvəlində 16 xalla 6 komanda arasında üçüncü pillədədir.
