Sport24.az
Bu gün "Araz-Naxçıvan" avrokuboklarda mübarizəyə start verir. Sport24.az xəbər verir ki, Naxçıvan təmsilçisi Konfrans Liqasının II təsnifat mərhələsinin ilk oyununda Yunanıstan təmsilçisi "Aris"lə üz-üzə gələcək.
"Dalğa Arena"da keçiriləcək matçın start fiti saat 20:00-da səslənəcək. Qarşılaşmada ədaləti Rumıniyadan olan hakimlər briqadası qoruyacaq.
Qeyd edək ki, komandalar arasında cavab görüşü iyulun 31-də Yunanıstanda baş tutacaq. Bu dueldə üstün olan tərəf III təsnifat mərhələsində "Omonia" (Kipr) - "Torpedo" (Kutaisi, Gürcüstan) cütünün qalibi ilə qarşılaşacaq.
Konfrans Liqası
II təsnifat mərhələsi, ilk oyun
24 iyul
20:00. "Araz-Naxçıvan" (Azərbaycan) - "Aris" (Yunanıstan)
Hakimlər: Andrey Kivulete, Mirça Mihail Qriqoriu, Andrey Qabriel Konstantinesku, Radu Petresku (Rumıniya)
Mərdəkan. "Dalğa Arena"
