Sport24.az
"Bu mövsüm əksər komandalarda eniş yaşanıb. İstər yuxarı, istərsə aşağı pillələrdə müabrizə var. Premyer Liqada idman prinsiplərinin qorunması çempionatı maraqlı edib. "Qarabağ"la bağlı danışmağa ehtiyac yoxdur. Onların gücü hər kəsə bəllidir. Digər yerlər uğrunda isə gərgin mübarizə gedir". Bu sözləri Sport24.az-a açıqlamasında Aqil Nəbiyev deyib.
Premyer Liqada legioner limitinin ləğvinə münasibət bildirən mütəxəssis bu qərarın çempionatın səviyyəsinə müsbət təsir edəcəyini də vurğulayıb:
"İnanmıram ki, hansısa klub 17 legioner gətirsin. Çempionatın səviyyəsi qalxacaq, maraqlı liqa olacaq. Komandalarında sabit oynayan yerli futbolçuların yerlərini itirəcəyi real görünmür. Premyer Liqaya lazım olmayan futbolçular isə Birinci Liqada mübarizə aparacaq. İnşallah, verilən qərarlar Azərbaycan futbolunun xeyrinə olar".
Qeyd edək ki, 2025/26 "futbol ili"ndən Premyer liqada legioner limiti aradan qaldırılacaq.
