Sport24.az
"Benfika"nın yarımmüdafiəçisi Anxel Di Maria yayda komandanı tərk edəcək. Sport24.az xəbər verir ki, bu barədə insayder Fabritsio Romano məlumat paylaşıb.
Mənbənin sözlərinə görə, 37 yaşlı argentinalı klublararası dünya çempionatı üçün komandanın düşərgəısində yer almayacaq. Onun Lissabon klubu ilə müqaviləsi iyunun 30-da başa çatır.
Di Maria 2023-cü ilin yayında "Benfika"ya qayıdıb. O, 2007-2010-cu illərdə "qartallar"da çıxış edib.
Qeyd edək ki, futbolçu bu mövsüm bütün turnirlərdə 39 oyun keçirib, 15 qol vurub və 10 məhsuldar ötürmə edib.
