Sport24.az
İspaniya çempionatının 11-ci turunda "Sevilya"yanın (3:0) qapısına yol tapan "Atletiko"nun hücumçusu Antuan Qrizmann La Liqa tarixində 200 qol vuran 11-ci oyunçu olub. Sport24.az xəbər verir ki, bu barədə İspaniya yüksək divizionunun mətbuat xidməti məlumat yayıb.
La Liqanın bombardiri aktivində 474 qol olan Lionel Messidir. Kriştiano Ronaldo 311, Telmo Zarra 254, Kərim Benzema 238, Huqo Sançes 234, Raul Qonsales 228, Alfredo Di Stefano 227, Sesar Rodriges 221, Kini 219 və Painyo 213 dəfə fərqlənib.
Qeyd edək ki, forvard bu göstəriciyə 541 oyunda çatıb. O, "Real Sosyedad"ın heyətində, 74, "Barselona"da 141, "Atletiko"da isə 326 matçda meydana çıxıb.
