Sport24.az
"Real"ın mərkəz müdafiəçisi Antonio Rudiger müqaviləsi başa çatana, daha dəqiq desək, 2026-cı ilin yayına qədər klubda qalmaq niyyətindədir. Sport24.az xəbər verir ki, bu barədə "Relevo" portalı məlumat yayıb.
Mənbənin sözlərinə görə, Səudiyyə Ərəbistanı klubları 32 yaşlı futbolçuya maraq göstərir. Futbolçunun özü də karyerasının qalan hissəsini Səudiyyə liqasında keçirmək istəyir, ancaq "Real" ilə müqaviləsi bitdikdən sonra.
Alman futbolçu soyunub-geyinmə otağında da liderdir və azarkeşlərin böyük hörmətini qazanıb.
Qeyd edək ki, müdafiəçi 2022-ci ilin yayında "Kral Klubu"na qoşulub. Bu müddət ərzində o, bütün turnirlərdə 141 matçda iştirak edib. Bu oyunlarda altı qol vurub və iki məhsuldar ötürmə edib.
