Sport24.az
"Mançester Yunayted"in futbolçusu Antoni İspaniyaya qayıda bilər. Sport24.az xəbər verir ki, "Betis" braziliyalı vingeri yenidən heyətinə qatmaq üçün səylərini davam etdirir.
Bu barədə insayder Fabritsio Romano məlumat yayıb.
La Liqa klubu Antoni üçün "Mançester Yunayted"lə danışıqlar aparır. Tərəflərin anlaşmağa yaxın olduğu bildirilir.
Qeyd edək ki, Antoni ötən mövsümün ikinci yarısında icarə əsasında "Betis"in formasını geyinib. Braziliya millisinin üzvü olan 25 yaşlı futbolçu "yaşıl-ağlar"ın heyətində meydana çıxdığı 26 rəsmi matçda 9 qol və 5 məhsuldar ötürmə ilə yadda qalıb.
