Idman.biz
Braziliyalı futbolçu Anjelo Qabriel Kriştiano Ronaldo ilə komandada necə tanış olmasından danışıb.
İdman.biz xəbər verir ki, 20 yaşlı hücumçu Səudiyyə Ərəbistanının "Əl-Nəsr" komandasında portuqaliyalı ulduzla birlikdə çıxış edir.
Anjelo Qabriel ESPN-ə Kriştianonun əla insan olduğunu deyib: "İlk dəfə gələndə Otavio və başqaları ilə salamlaşdım və Taliskadan soruşdum: "Bəs Kriştiano necədir, necə biridir?"
O da mənimlə zarafat etdi: "Onunla heç danışma. Özü salamlaşana qədər gözlə". Dərhal gərginləşdim.
Sonra Kriştiano paltardəyişmə otağına daxil olur - onun inanılmaz xarizması var! Mən oturmuşam, içəri girib hamı ilə salamlaşmağa başlayır. Taliskaya dönüb soruşuram: "Nə etməliyəm?" O da deyir: "Salam demə, özü gələnə qədər gözlə".
Ronaldo hamıya salam verdi, amma mənə çatmadı. Sonra oturub mənə baxdı və birdən dedi: "Yaxşı, yeni oyunçular gəlib, amma salam belə vermirlər. Görək, sonra necə olur..."
Dərhal üzr istədim: "Bağışla, Kriştiano, Taliska dedi ki, birinci salam verməməlisən".
O isə cavabında dedi: "Bir şeyə ehtiyacınız olsa, müraciət edin, ata burada hər şeyə nəzarət edir. Sadəcə meydanda mənə ötürmə ver." Beləcə bütün gərginlik aradan qalxdı".
İdman.biz
