Sport24.az
Ukrayna Futbol Assosiasiyasının prezidenti və "Milan"ın əfsanəsi Andrey Şevçenko Lionel Messinin tarixin ən yaxşı futbolçusu olduğuna inanır. O, bu barədə "Sky Sports"a açıqlama verib:
"Messi tarixin ən yaxşı futbolçusudur? Mənim üçün bəli. O, Pele və Maradonadan fərqli bir dövrdə oynayır, amma Messi hər şeydir, Argentinanın simvoludur. O, əfsanədir, bütün zamanların ən yaxşılarından biridir. Biz onu Pele və Maradona ilə müqayisə edirik.
Messi kimi driblinq edib qol vura bilən futbolçu tapmaq çətindir. O, 21-ci əsrin hücumçusunun mükəmməl prototipidir. O, hətta bir mövqedə sıxışdırıla bilməz. O, hər yerdədir və müdafiəçiləri daim çətin vəziyyətə salır".
Qeyd edək ki, Messi "Qızıl top"ların sayına görə dünya rekordçusudur. Argentinalının səkkiz belə mükafatı var.
