Sport24.az
"Real"ın qapıçısı Andrey Lunin ən azı daha bir mövsüm Madrid klubunda qalmaq barədə yekun qərar verib. Sport24.az xəbər verir ki, bu barədə "Diario Gol" məlumat yayıb.
Mənbənin sözlərinə görə, qolkiperin gələcəkdə klubda qalması yeni baş məşqçi Xabi Alonsonun rəhbərliyi altında komandada alacağı roldan asılı olacaq.
Hələlik 33 yaşlı Kurtua əsas qapıçı olaraq qalır. Lakin fiziki faktor Luninin "Kral klubu" bir nömrəli qapıçı olmasına səbəb ola bilər. Məşqçi və klubun prezidenti Florentino Peres də Luninin belə bir məsuliyyətə hazır olduğuna inanırlar.
Qeyd edək ki, Lunin başa çatan mövsümdə meydana çıxdığı 14 oyunda 19 qol buraxıb və 6 qarşılaşmada qapısının toxunulmazlığını təmin edib.
