Idman.biz
"Barselona"nın və İspaniya milli komandasının keçmiş oyunçusu Andres İnyesta Peru prokurorluğu tərəfindən ağırlaşdırıcı şərtlərlə fırıldaqçılıqda şübhəli bilinir.
İdman.Biz xəbər verir ki, prokurorluq ispaniyalı mütəxəssisi bir neçə yerli sahibkara 518.000 avrodan çox zərər vuran maliyyə fırıldaqçılığında iştirak etməkdə şübhəli bilirlər.
Bu sahibkarlar İnyestanın ortaq mülkiyyətində olan "Never Say Never Barcelona" şirkətini və onun törəmə şirkətini Cənubi Amerikada müxtəlif idman və mədəni tədbirlərin təşkili ilə bağlı müqavilə öhdəliklərini yerinə yetirməməkdə ittiham edirlər.
Andres İnyesta İspaniya milli komandası ilə ikiqat Avropa çempionu və dünya çempionudur.
