Sport24.az
"Mançester Yunayted"in əsas qapıçısı Andre Onana əsas qrupla məşqlərə qayıdıb. Sport24.az xəbər verir ki, bu barədə klubun rəsmi saytı məlumat yayıb.
"Mançester Yunayted"in mətbuat xidməti sosial şəbəkədə 29 yaşlı kamerunlu futbolçunun məşqdən bir neçə fotosunu yayıb.
Bir ay əvvəl qolkiper bud nahiyəsindən zədələnmişdi və bu səbəbdən "mankunianlar"la birgə mövsümöncəki turne çərçivəsində ABŞ-ə uçmamışdır.
Qeyd edək ki, "Mançester Yunayted" Premyer Liqanın yeni mövsümünün ilk turu çərçivəsində bu bazar "Arsenal"la qarşılaşacaq.
