Sport24.az
"Qarabağ"ın futbolçusu Leandro Andrade 2026-cı ildə ABŞ, Kanada və Meksikada keçiriləcək dünya çempionatında oynaya bilər. Sport24.az bu barədə etibarlı mənbədən məlumat əldə edib.
Hazırda 26 yaşlı yarımmüdafiəçinin Kabo-Verde millisinə qayıtması gündəmdədir. Bu məsələ ilə bağlı Andrade və yerli federasiya arasında danışıqlar da aparılır. Lakin Afrikada ilin ən yaxşı mütəxəssisi seçilən, yığmanın baş məşqçisi Pedro Bubista hazırkı sistemi dəyişməmək üçün Andradenin xidmətindən yararlanmaq istəməyə bilər.
Qeyd edək ki, Leandro Andrade son olaraq 2023-cü ildə Kabo-Verde yığmasının formasını geyinib.
