Sport24.az
"Real"ın baş məşqçisi Karlo Ançelotti La Liqanın prezidenti Xavyer Tebasın sözlərini şərh edib. Sport24.az xəbər verir ki, mütəxəssis La Liqanın çərçivəsində "Atletiko"ya qarşı keçiriləcək matçdan öncə təşkil olunan mətbuat konfransında deyib:
"Prezident Tebas arxayın ola bilər: heç kəs "Real"da dəli olmayıb. Biz sistemi dəyişmək istəyirik. Onlar hamısı buna qarşıdırlar. Amma digərləri də narazıdırlar və sistemi dəyişmək istəyirlər. Sadəcə "Real" bunu istəyir deyə hamı buna qarşıdır".
Xatırladaq ki, daha öncə "Real" Kral İspaniya Futbol Federasiyasına göndərilən rəsmi bəyanatda hakimliklə bağlı şikayətini çatdırıb. Buna cavab olaraq isə Xavyer Tebas "Real"da dəli olublar" deyib.
Qeyd edək ki, "Real" - "Atletiko" matçı sabah Bakı vaxtı ilə saat 00:00-da başlayacaq.
